人在旅途

 找回密碼
 立即註冊
查看: 1464|回覆: 11

《被遺忘的國度》老撾的勇敢旅行者 (10天)

  [複製鏈接]

2

主題

12

帖子

99

積分

初級旅人

Rank: 2

積分
99
發表於 2016-9-3 17:08:08 | 顯示全部樓層 |閱讀模式
本帖最後由 QuodisArcana 於 2016-9-5 23:50 編輯

第1-2日 (上) : 驚心動魄12小時

去一啲唔係咁多人去嘅地方,感覺人都型啲 (笑)
老撾
有啲人以為係戰亂國家,有啲人以為係好落後嘅國家,有啲人以為去好似北韓咁封閉嘅國家
事實係以上統統都唔正確
想知老撾係一個點樣嘅地方? 跟我一齊嚟窺探一下呢個被遺忘的國度吧



地方名
首先,老撾地方譯名好多都有2個以上,所以大家要先適應一下:
國家名:老撾 (也叫寮國, Laos)
首都:萬象 (也叫永珍, Vientiane)
北部小鎮:萬榮 (也叫旺陽, Vang Vieng)
上寮重鎮:琅勃拉邦 (也叫龍坡邦, Luang Prabang)



航班
香港暫時仲未有直航去老撾嘅飛機 (聽講遲啲香港第一廉航會開條香港-琅勃拉邦嘅航線),所以一般要經轉機點(3選1)再飛入老撾:
A. 泰國曼谷 (建議喺曼谷轉機
因為日日有航班入老撾而且香港入境泰國係免簽證)
B. 越南河內 (香港去越南要簽證
但過境轉機唔知駛唔駛簽證不確定下都係唔試了)
C. 中國雲南昆明 (唔係成日有航班入老撾
而且航線好似有啲貴)

因此喺專買機票嘅網站買咗4程航線: (合共都只係需要HK$2,4xx)
去程 : 香港 → 曼谷 → 琅勃拉邦
回程 : 萬象 → 曼谷 → 香港



簽證 (香港特區護照 & BNO都要簽證)
落地簽証 (最方便,指定口岸進入,簽證30天有效) :
A. 填表
B. 2張證件相
C. 30美元
D. 1美元手續費
E. 護照

出發前簽證 : 去老撾駐港總領事館 (地址: 香港皇后大道西2-12號聯發商業中心1402室) 交
A. 申請表
B. 1張證件相
C. HK$250
D. 護照
申請單次進出境簽證需要3個工作天



第1晚香港出發,去到機場先享受一下貴賓室服務 (因為申請咗張儲飛行里數嘅信用卡,可以免費入Lounge)
好彩有得去貴賓室食下嘢、叉下電、上下網,事關飛曼谷航班Delay,由原本23:15 Delay咗2小時有多,如果唔係真係悶到暈。差啲仲想轉航班,眼見同一航空公司下一班去曼谷嘅飛機都就快起飛

其實就算遲2小時對我影響不大,因為我係機駁機,聽朝10點由曼谷飛琅勃拉邦,就算唔Delay,我係咪都要喺曼谷機場度瞓一晚
夜機雖然辛苦,但都唔夠喺機場瞓一晚咁辛苦,年紀漸長,要瞓機場真係頂唔順,輾轉反側,又要搵地方、又要顧行李、又眼瞓、起身又要搵地方梳洗...總之就可免則免la...


雖然去程航班Delay,但依然順利抵達曼谷,一切都看似很順利,直至準備再上機飛往琅勃拉邦的一刻...
螺 ● 旋 ● 槳 ● 飛 ● 機?
Are you kidding me???!!!
事前完全無預計到會坐螺旋槳飛機入老撾,以為細機都係A320,竟然係ATR-72
第一次坐咁細的飛機,只有幾十人,我真的很害怕,唔係講笑,之前睇好多新聞話台灣復興航空失事的就係ATR-72,咁點好呀...
開頭以為低飛啦,誰不知原來都係上到高空30,000尺,同其他飛機高度一樣。我坐窗口位,一路望住個螺旋槳,會唔會飛飛下click住咗個螺旋槳唔郁架?總之就坐足2小時,就驚足2小時。驚心動魄,完全不失為過...




老撾都係一個主要用美金兌當地貨幣的地方,出發之前唱定USD實穩陣,記得要用新啲嘅美金,又係舊美金去到當地的找換店有機會唔收
其他貨幣其實都兌到基普(LAK/KIPS),但一般匯率都唔夠美金好

仲有一樣好重要要注意:離開咗老撾基普就等同玩具紙幣,無找換店會收,即使泰國都唔收,所以記得用幾多兌幾多,離開老撾前一係用哂佢,一係就兌返美金先走喇!


年輕真好,可以一班朋友柴娃娃去泰國玩,完全感受到青春氣息!


時間係當地時間凌晨4點半,Delay後終於到了曼谷素萬那普國際機場


要搵機場安靜又隱閉的地方好好瞓返覺,如果唔識地埗真係未必搵到,想知喺邊可以私下問我
(唔會好光猛又近便利店和洗手間的地方)


瞓咗3-4個鐘,真係辛苦到爆
起身梳洗check-in又上得飛機了
見到架飛機以為編錯航班俾我...


曼谷航空,2+2座位,飛機細,座位細,坐機尾,成架機都唔知有冇70人
不過老實講,架機又真係好新,服務都幾好,最讚的是飛機餐


開頭以為只係Keep住呢個高度飛之嘛,誰不知越飛越高,仲同一般飛機航道一樣咁高,真係少啲心血都唔掂 (一係就唔好坐窗口位)


飛機餐真心好食,再加埋生果同乳酪甜品,估唔到咁細架機都裝都咁多飛機餐播


一路望住窗外,就一路留意住個機翼和螺旋槳,真係好擔心,夠竟可唔可以安全到達目的地架


飛入老撾國境,第一印象係點解啲山全部都一撻撻嘅?總係有好多圈圈係無咗綠草嘅?




2小時過後,竟然安全無恙,順利著陸琅勃拉邦國際機場,機場好細,不過都在預期內,無咩問題,安全就得


就係坐呢架咁細的飛機,機前方放寄艙行李,機中間坐人,機尾就係上落機位置


螺旋槳飛機,見到都驚,唔知點解感覺好唔穩陣
可能係我多心啦,日日咁飛都無問題,應該安全嘅,出事都唔會俾人坐la


落機入去間「屋仔」入面就係入境地方了

基本上人人都排落地簽證 (Visa On Arrival)
先排左邊搞簽證,唔駛用好耐時間,5分鐘左右,俾相俾護照,俾錢拎Passport
跟住過右邊Chop入境印,搞掂


機場有買電話卡、找換店,可以唱定啲老撾基普用住先,出到市區搵到更好Rate先再唱多啲都得


機場入面有Counter俾公價錢安排車接送去酒店/市區

如果你唔鍾意,好似我咁自己出去搵車講價又得
出去搵車講完價架車都係返過去接機大堂,只不過司機會叫你唔好出聲你俾幾多錢,以免其他人覺得自己俾多唔抵

本帖子中包含更多資源

您需要 登錄 才可以下載或查看,沒有帳號?立即註冊

x
回覆

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-9-5 23:25:30 | 顯示全部樓層
本帖最後由 QuodisArcana 於 2016-9-5 23:45 編輯

第2日 (下) : 城邦中的日落、夜市

之前已經聽過琅勃拉邦地方細,好快行哂
果然係,呢3日好多時間都圍繞住古城區內,Sisavangvong Road (西薩旺馮大街) 附近;第二、三晚仲搬埋去Sisavangvong Road住添

下晝行咗 Royal Palace Museum (王宮博物館) 同埋上咗 Phu Si Hill (浦西山) 睇哂整個琅勃拉邦嘅景色同埋日落
喺度遇到個香港男仔,佢同我玩嘅方向相反,係由萬象開始玩起。佢同我講琅勃拉邦係佢玩3個地方 (萬象、萬榮、琅勃拉邦) 之中最鍾意嘅一個地方。起初我都唔係好明,玩到最後或多或少也有同感呢


搭咗15分鐘車由機場到達首日住宿地點,有 Welcome Drink,飲杯鮮果汁等拎鎖匙入房
仲有送地圖教點行景點添,用熒光筆Highlight哂,雖然自己唔係點跟,但都令人感覺十分良好


放低行李就出去行下,住在河邊附近,也是對琅勃拉邦的第一印象


沒有落後、鄉下、污糟的感覺,反而感覺好有"城邦"Feel,寧靜、悠閒、舒適、綠意盎然


由住宿行10分鐘上2條街已經到咗"市中心",王宮博物館 (Royal Palace Museum)就喺呢度
聽講呢度係老撾最後一代國王西薩旺凡達納嘅行宮
入去之前記得門口除鞋啊


好特別的建築


不少明信片都有呢個景


呢條就係主街道,主要都係團繞呢度行,包括食早餐、行街市、午餐、找換店、景點、晚餐、住宿、Book One Day Tour、夜市,統統都喺哂呢度


俯瞰琅勃拉邦嘅好地方,欣賞湄公河,整個城邦一片安靜、祥和


安逸、恬靜,唔想騷擾佢,只想靜靜的由她好像過去600年一樣存在


好多人等待,也在這裡遇到香港人,但這不是最後一次


原來大家都是為了這個日落


睇完日落行返落山已經見到一大堆帳篷起好哂,6點半,夜市即將展開


大家已經擺好哂地攤,見佢哋生意唔算好好,究竟日抖佢哋係做啲咩嘅呢? 駛唔駛返工呢?


士多,可以買日常用品


士多,真正的前鋪後居


Tutu車,呢架可以坐9人,好似的士咁

回覆 支持 反對

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-9-10 13:28:58 | 顯示全部樓層
本帖最後由 QuodisArcana 於 2016-9-11 13:49 編輯

第3日 : 小乘佛教的寺廟

第一晚間住宿其中一個好大好處就係有個好開揚嘅曬衫位,尋晚洗完衫一早有超猛太陽曬一曬,即乾,爽爆!

食完早餐執埋行李就離開 (之前上網只Book了一晚),想試下其他住宿 (因為呢間有不少螞蟻)。誰不知試完之後都係原本嗰間好,服務好、包早餐、有空曠曬衫位

搵好住宿之後喺大街再次遇到香港男,就係尋日傍晚浦西山睇日落時遇到嗰位,佢原來坐今日下晝機離開琅勃拉邦

既然係咁,相請不如偶遇,就邀請佢一齊漫遊呢個城邦...

同香港男坐低傾偈時俾人sale咗1日遊,坐小舟遊巴烏石窟 & 光西瀑布,仲話唔會呃錢走佬咁話,如果唔放心可以影佢相,琅勃拉邦咁細問人佢係乜水一定搵到佢咁話喎。咁好啦,做人講個信字,一於按佢要求影佢張相買個保險啦,最後傾好價錢準備聽朝一早住宿門口等出發

今日漫遊
琅勃拉邦大小寺廟,最古老寺廟、最宏偉寺院,仲有嘗試當地人食嘅街頭午餐、同埋同青年和尚傾偈,了解下佢哋生活係點



起身雖然已經朝早10點,但都照問埋我想食咩 (呢間住宿包早餐),即揀即整,正!
其實幾抵,因為出去自己俾錢食個咁嘅早餐都要HK$25


住宿處種了木瓜樹?


就係喺呢度傾傾偈俾人sale咗1日遊


同香港男一齊行過對面河,每人要俾5,000kips (HK$5)過呢條Bamboo Bridge (Ban Phanluang),話係For to build the bridge next year咁喎,回程又要俾一次


越過Nam Khan River,過到對面有不少寺廟,未見過欣賞下也是值得 (雖然唔知叫咩名)
再加上背後的熱帶樹,好有東南亞Feel


儘管睇唔明牆上的壁畫,但咁有心機畫同埋雕刻,已經值回票價


行行下已經行到去Phetsarat Road,呢條街道的感覺又係好正,永遠的夏日風情


喺街頭同當地工人一齊Lunch,好平,言語溝通唔到唔緊要,睇人食咩、用手勢,總會體味到最地道風味


熱辣辣飯後點可以唔飲返個椰青水消下暑


知唔知點解有粉紅色的雞蛋呢


呢邊有條鐵橋可以行返去大街,不過我哋無行 (唔知行幾耐),因為香港男趕下晝班飛機返香港


與香港男告別後就走回頭路,跟住行去 Wat Wisunalat (維蘇那拉特寺 )



Wat Wisunalat (維蘇那拉特寺 ),原本應該要20,000Kip (HK$20)門票,門口無人睇住,誤打誤撞走咗入去

既然係咁,當然要入去睇下要俾錢先有得睇嘅入面係點嘅呢


琅勃拉邦最古老寺廟 -- 維蘇納拉特寺,由維遜腊國王喺1512年興建






老撾中不常見的南印度和高棉式建築

大蓮花佛塔,高34米,據說1903年由當時國王下令興建


老撾好常見的擺設,應該是用來祈福的 (好多人朝朝都會整好放喺屋外)


小乘佛教喺老撾係國教
老撾青年以出家為榮,出家時間長短無嚴格規定

喺側邊聽佢哋念經,由年老的老師傅帶住念,如果唔係就交俾大師兄帶隊






中間的肥仔好搞鬼,好多嘢都好奇,又幫手掃落葉


呢個和尚等咗我影埋先閂門,那笑容真自在
之後同佢傾偈,佢哋每朝都要5點起身準備清晨佈施,之後早餐跟住打掃、學英文、念經等等
佢仲不時仲用電話上網,原來佢哋都興用Whatsapp溝通



Wat Xieng Thong (香通寺),琅勃拉邦最宏偉嘅一座寺院
不過已經日落西山,接近7點,睇得唔係好清楚,人哋都閂門了




行返去大街,夜市又開始了,BB都準備好了

回覆 支持 反對

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-9-11 23:03:54 | 顯示全部樓層
本帖最後由 QuodisArcana 於 2016-9-11 23:07 編輯

第4日 (上) : 船遊巴烏石窟

去到每個地方旅行想最了解當地人生活莫過於行街市 (Wet Market)
晨咁早清晨6點幾起身,行去大街皇宮博物館旁邊嘅街市
一朝早好多人擺地攤賣嘢、出嚟買材料煮飯、食早餐返工等等,非常地道,睇到琅勃拉邦人最原本生活嘅一面
仲見到啲新鮮魚同豬肉俾好多烏蠅嬲住

跟住返住宿等8點15分尋日個司機接去碼頭 (Cross River Ferry)
搭咗2分鐘,後來發現原來好近,Khem Khong,喺皇宮博物館後街,自己行過去都得
仲可以去到碼頭自己買船飛,唔駛俾人食多浸水添

坐船暢遊一個上晝真係好正,唔駛行,吹住河風,昏昏欲睡



普西市場 (Phousi Market),
當地人都去買嘢嘅地方,好多真正嘅本地貨或者特產,好快感受到當地人生活


呢度就係碼頭,可以由大街自己行過嚟買飛遊船河


就係上呢隻船出發,來回大約4小時


好多外國人都一齊搭,唔需要擔心有咩意外,
先沿湄公河逆流而上


搭咗一個鐘船左右就停一停抖一抖
(好似跟旅行團啲購物點咁)
喺小村
腳,上岸行下

威士忌村 (Ban Xang Hai/Sang Ha)

仲有
好多手工織布同埋圍巾等手工藝品


距離琅勃拉邦大約25公里,終於到達目的地巴烏石窟 (Pak Ou Caves),石灰岩懸崖底部有兩個溶洞


上岸行上去要俾20,000Kip買門票




千佛洞,裏面有好多佛像


睇下佛像,唔多明,係咁椅影下就算


去個廁所都追我俾錢,有冇搞錯呀,無理佢就走了


回程lu,雖然巴烏石窟無咩睇,但好享受喺船上暢遊吹住海風嘅感覺,望住山山水水,已經足夠令人Relax

回覆 支持 反對

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-9-16 22:37:02 | 顯示全部樓層
本帖最後由 QuodisArcana 於 2016-9-16 22:54 編輯

第4日 (下) : 暢游光西瀑布

完咗朝早遊船河之後行返民宿小休一陣,食個杯麵跟住又出發。有車接埋一大班同行者去30公里外嘅光西瀑布

2小時時間自由行,之後喺停車場接返市區。由於無帶泳衣,亦無打算游水,只係一路行上去睇瀑布,同埋睇當地人 & 鬼佬喺潭邊大樹上跳水,都係一個不錯的選擇。最後都有浸下水,除咗鞋襪,行落水感受下踩入泥塘的感覺,遠望一家4口鬼佬同仔女在塘中玩水享受天倫樂,一樂也

傍晚返返大街,行夜市,遇到個都係講廣東話嘅廣州男,佢已經遊東南亞玩咗成年,真佩服。有趣的是,呢次並唔係唯一一次見到佢
夜晚行街仲見到有啲私家車掛住雲南車牌,睇嚟由大陸自駕遊到老撾都係一件common事
買咗聽朝由琅勃拉邦去萬榮嘅車飛,一早起身睇埋清晨布施先走


一入去見到隻大黑熊熱到好似人咁要落水消暑,就知天氣係點


多層瀑布,炎炎夏日,不少人衝落水游個夠
唔講唔覺,水度有好多細魚仔,原來係會咬死皮


最出名嘅繩索跳水,就算男人都唔係好勇咁一上去就跳落嚟,都要諗諗又望望踩樹枝,拉住綁喺樹嘅繩,走向樹枝盡頭,放開繩索,一嘢跳入水,跟住啲人就會歡呼




佢哋就係游完水好似咁喺野餐枱攤抖下,吹吹水


越上瀑布越少人,無咁污染,而且靚啲


好特別的廣場設計,不過就無表演


返去lu,回程又接近45分鐘車程,好眼瞓,要洽下


傍晚6點多返去尋日個"肥仔"間廟度,聽下佢哋念經,多平和,亦可感受佢哋生活方式


夜市食呢隻椰子糕,唔錯!


試完街頭小食之後去飲包凍檸檬茶,超正!!!
味道好獨特又地道,仲好夠凍,有埋個靚靚紙袋,真係值得返去再試


夜晚行行下搵地方食晚餐,點我最愛的Pad Thai,呢間係我喺老撾食過最好食嘅一次!

回覆 支持 反對

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-9-21 00:26:29 | 顯示全部樓層
第5日 : 不可錯過的清晨布施

Morning Alm (清晨布施),係琅勃拉邦不能錯過的體驗,不是人造景點,不是假裝,而係小乘佛教國家保持咗千百年嘅佛教傳統
朝早5點牙都未刷,而且仲未天光,就行出 Sisavangvong Road (西薩旺馮大街)。但已經見到有人準備糯米飯、水果、零食等等,鋪張席跪喺路旁等緊僧侶
5點半左右終於見到一批批僧侶們光著腳,背住缽接受信徒或遊客贈予食物

睇完清晨布施先係6點左右,仲有時間返住宿抖抖、執嘢、出去食個早餐 (又係街市對面嘅極地道街邊粥店),跟住等9點車嚟接
大約4小時經山路就到達旅程第二站的北部小鎮 -- 萬榮 (或旺陽, Vang Vieng)
搵到住宿之後就喺鎮附近行下,熟悉下環境先,聽日先玩其他嘢


又係呢個肥仔僧侶呀,好似認得我咁喎


僧侶每日從布施開始
聽講古老佛教戒律,過午唔可以食嘢
接受完布施嘅僧人返到寺廟,就靠朝早化緣返嚟嘅食物充飢,並且為人們祈福,整個過程神聖而寧靜


想知缽入面有啲咩? 原來有零食、糯米飯等等,路邊仲有小販即場做生意,賣食物俾遊客施贈予僧侶


尋日喺旅行社訂咗車飛去萬榮 ,朝早9點有車喺旅店門口接
最後竟然只有4人搭車,而且位大,坐得超舒服 (但接近萬榮市區時要轉車,嗰架就好多鬼佬同坐滿人)



架車又幾靚,途中穿越山谷,遇上下大雨,天氣好差,又見到撞車,真係有啲擔心
途中休息+午餐,覺得攤檔有啲啲唔老實,問佢一碗麵幾錢,佢做手勢話12,000KIP,收錢時又話係20,000KIP
唔知係咪借溝通唔到而食水...


落車之後真係人生路不熟,唔知去邊搵住宿
問問下搵到間環境唔錯,不過後來發現真係好惹蟻


出去行下先,見到好多人玩水上活動
又有鬼佬喺河邊的別墅開Party狂歡 (但仲係日抖)




聽講成
個熱氣球過程大約40分鐘,可以由高空睇到萬榮嘅山水美景同城市全貌,不過見到佢越越遠就開始心驚,日落後仲落大雨架嘛...


也有不少特色建築


萬榮有著喀斯特地貌,另有點落後和簡單/簡陋



回覆 支持 反對

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-10-10 01:19:30 | 顯示全部樓層
本帖最後由 QuodisArcana 於 2016-10-10 01:22 編輯

第6日 : 慢活旅行

喺萬榮無跑景點、無玩水上活動、無租電單車四圍去,而係安安靜靜咁感受呢個小鎮的一呼一吸,學習甚麼是旅行的慢活

天口好慶、好曬,朝早十點幾先搵個地方享受個英式早餐(English Breakfast),施施然咁周圍行下,行下河邊、行下大街,睇下當地人做啲咩
下晝好似啲鬼佬咁攤喺大街邊嘅餐館睇下美國喜劇Friends,飲鮮榨果汁、寫下明信片

發現咗萬榮好似一個盤地咁,每晚定時定候都會行雷、落超大雨,但又唔會落好耐,一般落1-2個鐘就會停,大概就係一餐Dinner嘅時間

至於日頭暴曬最終得到的結果係...無搽防曬,成隻手背都係黑色點點,超級明顯,仲以為就咁就一世...最終搞咗1個月啲黑點先褪...


沿路行去河邊,被幾個小孩圍住攤大手板對我講:"Money"
我一臉無奈,無俾任何嘢佢哋就行開了...所謂的民風純樸,被外來的遊客污染了不少,也可能是全球化帶來的必然結果


Nam Song River (南松河)
有得曬日光浴,亦有唔少人玩汽車胎漂流,或者用橡皮艇玩激流,全程漂流大約有13公里




坐喺草地乜都唔做只係冥想,已經足夠


香港嘅馬用來比賽,而呢度嘅馬都感受到佢哋那種休閒,同香港繁忙的生活形成一種強烈對比


當地有唔少小朋友鍾意喺河邊玩水、游水,已經可以好滿足


好多鬼佬鬼婆乜都唔做,幾個人成日就坐喺度睇美劇,嘻嘻哈哈就一日
睇到佢哋有得灘喺好似梳化嘅座椅,飲住凍飲,低消費高享受,果然識嘆


見周圍好多呢啲攤販,原來係買彩票,好似以前香港的馬標咁
等我都買張試試運氣先,話唔定中咗就可以喺度做生意落地生根

回覆 支持 反對

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-10-16 00:43:13 | 顯示全部樓層
本帖最後由 QuodisArcana 於 2016-10-21 13:16 編輯

第7日 : 最接近邊境的國家首都

喺萬榮 (又稱旺陽) 留咗2晚之後今日終於要離開了,去到今個旅程的最後一站 -- 萬象 (又稱永珍)
相信無一個國家會好似而家嘅老撾咁,將自己國家首相設喺國界,湄公河對岸就係泰國
唔知係好有信心覺得其他國家唔會入侵老撾,抑或係老撾有好強大的軍隊可以守衛國家? 睇嚟唔擔心咁樣可能會多於

到達萬象剛落車時,感覺完全陌生,因為無做功課,唔知點行,去邊度搵住宿
經過幾條街,喺老撾國家文化宮 (Lao National Culture Hall) 附近搵過民宿,不過太 殘舊wifi又收得差,有啲Dorm就 好似難民營咁氣味酸宿人又多,都係放棄了

最後喺Rue Setthathilath搵到間又平又靚的地方安頓2晚,天台有得晾衫,職員仲好好咁次次搵佢都幫手斟水,慳返買水嘅錢

下晝出去行下,到景點影影相,黃昏喺湄公河邊&夜市看看當地人生活如何過
Dinner都係搵間餐廳食Pad Thai,見到個金髮美女喺對面檯一個人食嘢,無即時過去同佢傾偈,轉眼間就俾個老鬼佬拎碟薯條過去問介唔介意一齊食


朝早7點幾起身出去食碗靚粥做早餐,跟手就要搭3個幾鐘車離開
萬榮前往首都萬象


搵到住宿後下晝3點幾出去行下
老撾國家主席府 (Lao President House / Presidential Palace ),古典裝飾風格的巨型法式城堡,最早用作法國殖民時期的總督府,但入唔到去


唯一的商場,3層,當地人已經覺得好勁


行去巴士站望望,呢度好多人搭車來來往往,側邊又有個街市,感覺比較雜,要小心財物


日本送俾老撾的巴士


萬象凱旋門 (Patuxay)
紀念老撾人民解放獨立而建 ,遠觀外形同法國凱旋門相似


有人話呢個凱旋門起得極醜,你覺得呢?


天花板上有佛教神話中人物的彩繪


凱旋門有7層,有啲樓層用嚟賣紀念品


俯瞰萬象市區景色


Government's Office (政府辦公室)




凱旋門前的音樂噴泉廣場是中國援建

見到有啲貌似大陸的官員喺度遊覽緊,唔通考察老撾?


黑塔 / 丹塔  (Black Stupa / That Dam),萬象市中心最舊古跡,一座全黑色佛塔,無咩特別,好似一個迴旋處咁
初建成時,黑塔全身鋪滿咗金箔,後來被暹羅入侵者盜走


「未來 ● 曙光」


估唔到連老撾都興跳大媽舞,好強勁的節拍,好有能耐的大媽


黃昏呆坐河邊都唔錯,好多人散步

每到枯水季節,湄公河大半個河床淺灘會露出嚟,僅低一條小溪流,啲人可以涉水行到泰國

回覆 支持 反對

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-10-21 18:23:45 | 顯示全部樓層
本帖最後由 QuodisArcana 於 2016-10-21 18:33 編輯

第8日 : 怪誕佛像公園

熱辣辣天氣下今日去咗萬象3個景點 -- 玉佛寺、香昆寺/佛像公園、大佛塔

玉佛寺 : 傳統的佛教寺廟,感受到戰爭的摧殘,摧殘了文明、摧殘了遺跡、摧殘了尊嚴
香昆寺/佛像公園 : 好多怪異石雕,唔明點解會有人咁整,亦唔明點解會喺度出現
大佛塔 : 金碧輝煌,見到一個國家投放了多少資源和心機在那一範疇

夜晚再次去湄公河邊公園的夜市行,第三次遇到廣州男,見咁有緣份,即刻搵個大排檔一齊Dinner吹吹水

傾下旅行經歷,了解到佢呢一年出走去過咩地方,由全中國到東南亞越南柬埔寨泰國老撾,斷斷續續又回到廣州的跨國航空公司工作
一夕夜話,睇到一個後生仔嘅幹勁。要放下而出走1年,我從前覺得遙不可及,而家就覺得觸手可至


話說喺住宿附近食個豆腐Pad Thai做早餐。嘩! 個後生仔整到啲Pad Thai超韌,橡筋咁,未食過咁難食嘅Pad Thai,食唔哂放咗喺一邊
跟手老闆娘返咗嚟間鋪,同我吹水,見我係遊客,問我啲嘢好食嗎? 我話:"Nice" 幾好呀,唔錯呀
接著佢用一個好疑惑嘅眼神望住我,話如果好食點解會食唔哂
我的反應是:"Er..."


行去主席府旁邊嘅玉佛寺 (Haw Pha Kaew)
係老撾最古老寺廟之一,建於瀾滄王國最強盛時期,1828年玉佛寺被侵略者燒毀,後嚟喺1942年重建


裏面有好多佛像,呢座寺廟當時用嚟存放由琅勃拉邦移嚟嘅玉佛
座玉佛喺老撾存放咗218年,後嚟玉佛被暹羅侵略者奪走,而家放咗喺泰國玉佛寺內





行去巴士總站,確定一下一陣係搭14號巴士去香昆寺 (又名佛像公園,Buddha Park) (其實睇唔明)

然後行下旁邊的街市,睇下當地人買啲咩,又去買當地人的凍飲


搭14號巴士,可直達
香昆寺/佛像公園 (Buddha Park) 門口,車程大約一粒鐘
有外國人會一齊落車,落車位過對面馬路就係香昆寺/佛像公園 (Buddha Park)


雖然個名叫寺廟,但呢度似係一個雕塑公園
入面好多奇怪雕像,就好似呢個咁,入口細細,裏面好殘,好似荒廢墟咁,樓梯比較窄,可以行上上面俯瞰成個公園


公園起喺1958年,傳說公園嘅雕像都係由當時一個好有想像力嘅和尚建造,佢學過佛教同埋印度教,當時嘅人都認為佢唔正常,但係佢有一手好手藝,就雕刻咗好多造型怪異嘅雕像,仲建造咗香昆寺




喺度食個Lunch同埋雪糕消消暑

全程1個鐘就出返去門口等巴士返市區


公園對面就係泰國,香昆寺同對面泰國廊開嘅萬橋公園遙遙相望


返到市區慢行去大佛塔 (Pha That Luang / Buddhas),金碧輝煌
僥倖喺佢4點閂門前極速咁入去兜一轉
金色塔鑾寺係老撾最重要嘅國家紀念碑,係佛教同老撾主權國家共有嘅標志,主塔形象仲出現喺國徽度






壁畫好細緻,望到都覺得靚


黃昏4點半突然颳起怪風,好似遇到龍捲風咁

大風到前行唔到,沙石都吹起埋,唯有入去便利店避一避
好彩有帶遮同唔駛等好耐,等咗15分鐘左右就可以行返去
回覆 支持 反對

使用道具 舉報

2

主題

12

帖子

99

積分

初級旅人

Rank: 2

積分
99
 樓主| 發表於 2016-10-23 04:37:38 | 顯示全部樓層
本帖最後由 QuodisArcana 於 2016-10-23 04:41 編輯

第9-10日 : 老撾買樓貴嗎?

去到旅程尾聲,要顧及一下朋友感受
尾二的一天瞓得晏,嘆個Brunch之後搵郵局寄出Postcard俾friends

下晝慢條斯理的睇書飲嘢,黃昏就去超級市場買啲地道嘢做手信俾朋友,例如咖啡、果醬、飲品、紫菜等等 (有啲係泰國入口)

在街中剛巧經過地產代理,不如在老撾也關心一下住屋問題
香港租樓買樓貴,老撾又如何呢? 有冇諗過可以喺萬象住得舒適、活得出色?


原來住萬象的House也不便宜,4套房的別墅月租HK$14,000,買就HK$170萬,不過佢話可議價咁喎
相對香港來說,HK$14,000可以租到有車位、有花園、4間大睡房和廚房,真係諗都唔敢諗...而萬象就可以了...咁計真係抵到爛
嗯嗯...不過對於我嚟講,我會比較喜歡琅勃拉邦多啲


喺萬榮無寄到Postcard,去到首都萬象幾經辛苦先搵到郵局,言語不通,問人佢又唔係好明我講咩,即使做埋手勢都係難以溝通,最後都係要靠自己


老撾寄Pastcard返香港要HK$11/張,唔平


之前去大街超級市場買咗個爆谷食就當係午餐
周圍行下,搵個地方坐低飲杯嘢睇下書,漫嘆一個下午


House環境好似都唔錯,不過都要去睇下現樓質素係點先決定買唔買得過


喺老撾最後一個早上,當然要走之前試下老撾咖啡,果然好有特色 (很喜歡這樣的早餐)


坐Tuktuk去機場,好快,10分鐘左右就到,有得講價,HK$20-$40


永珍瓦岱國際機場 (Vientiane Wattay International Airport),也是一個好簡單的國際機場


有亞洲航空去馬來西亞吉隆坡/曼谷航空去曼谷


Check in之後唔知點解地勤話可以入貴賓室,既然佢咁講去到貴賓室門口就show張登機證試下啦,果然入得喎
但係個半鐘之前已經食咗個好味早餐,唔係點食得落嘢,只係飲杯橙汁,叉下電咁,等半個鐘多啲就出去上飛機


終於唔駛再坐螺旋槳飛機,坐返A320,嗚嗚嗚,感恩



由萬象返曼谷,曼谷航空,依然係好有水準嘅飛機餐


曼谷返香港程機睇咗套「發夢王大歷險 (The Secret Life of Walter Mitty)」,值得一看


回覆 支持 反對

使用道具 舉報

您需要登錄後才可以回帖 登錄 | 立即註冊

本版積分規則

Archiver|Facebook 專頁 | Facebook 群組 | Instagram | 聯絡我們  

GMT+8, 2017-12-17 13:52 , Processed in 0.118514 second(s), 24 queries .

Powered by AimDS X3.2

© 2001-2013 人在旅途

快速回覆 返回頂部 返回列表